Kursus in Aktepraktyk

    Beproefde kursusse

    Hierdie kursusse word reeds sedert 1994 landswyd en in Namibië met groot sukses deur regspraktisyns gebruik. Dit is beproefde kursusse soos blyk uit die kommentaar wat ontvang is.

    BELANGRIKE NOTA: Let daarop dat die Regspraktisynsraad besluit het dat alle eksamens voortaan slegs in Engels geskryf mag word. Die VRA het egter gesprekke aangevra ten einde te kyk of Afrikaans nie vir hierdie eksamens behou kan word nie. Tot tyd en wyl moet aanvaar word dat vraestelle en antwoorde daarop slegs in Engels mag wees. Ten einde Afrikaanssprekendes te help, bied ons aan dat jy 'n addisionele Engelse stel notas teen die spesiale afslag bedrag van R900 kan aankoop.  Jy kan dus die kursus in Afrikaans bywoon, met Afrikaanse notas vir begrip en die Engelse stel vir studiedoeleindes gebruik.

    Twee tipes kursusse

    Bywoningskursus in Aktepraktyk vir diegene wat graag studieleiding deur lesings wil ontvang om vir die eksamen in transportbesorging voor te berei. ‘n Selfstudie Aktekursus vir diegene wat verkies om op hul eie vir die eksamen voor te berei, sonder om lesings by te woon.

    Kenmerke van die Bywoningskursus

    Lesings word aangebied in Pretoria, Johannesburg, Kaapstad, Durban, Bloemfontein en Port Elizabeth.

    ‘n Spesiale korting op die registrasiefooi is beskikbaar vir persone wat vroeg registreer.

    Afrikaanse leerders mag Engelse lesings met Afrikaanse notas bywoon en omgekeerd, op voorwaarde dat dit spesifiek so by registrasie aangetoon word.

    Indien jy vantevore self vir die Selfstudie Aktekursus ingeskryf het en in besit is van jou eie stel notas en die lesings wil bywoon, of die kursus vantevore bygewoon het en dit weer wil doen, kan jy ons kantoor kontak vir ‘n kwotasie om vir die bywoningskursus te registreer.

    Kenmerke van die Kursusmateriaal

    Die notas is geskryf met die oog op voorbereiding vir die eksamen in transportbesorging. Dit is ontwerp vir persone wat geen kennis van aktes en geen blootstelling aan ‘n aktepraktyk het nie.

    Dit is vir selfstudiedoeleindes geskryf en is die mees omvattende stel notas om vir dié eksamen voor te berei. Dit bestaan uit drie dele verduidelikende notas en een stel praktiese voorbeelde.

    Dit is in Afrikaans of in Engels beskikbaar. Die notas word in ‘n losbladformaat bemark, met ‘n byvoegseldiens teen addisionele koste, sodat die notas met die jongste wysigings op datum gehou kan word.

    Modelantwoorde van die laaste drie jaar se eksamenvraestelle is ingesluit. Dieselfde stel studienotas word vir beide die selfstudie- en die bywoningskursus gebruik.

    Kenmerke van die Selfstudiekursus

    Daar is geen afsnydatum vir registrasie nie. Die enigste teikendatum is die eksamendatum.

    Kursusinhoud

    Die voorgeskrewe sillabus vir die eksamen in transportbesorging word gedek en word in die volgende afdelings en hoofstukke behandel

    Deel 1

    Aktepraktyk en die Akteswet

    Hoofstuk 1 - Algemene Agtergrond
    Hoofstuk 2 - Oordragprosedure
    Hoofstuk 3 - Koopooreenkoms
    Hoofstuk 4 - Transportakte
    Hoofstuk 5 - Volmag (prokurasie)
    Hoofstuk 6 - Serwitute
    Hoofstuk 7 - Boedeloordragte
    Hoofstuk 8 - Verdelingstransporte
    Hoofstuk 9 - Sertifikate van Geregistreerde Titel
    Hoofstuk 10 - Dorpstigting
    Hoofstuk 11 - Endossemente
    Hoofstuk 12 - Verlore Akte
    Hoofstuk 13 - Verbandprosedure
    Hoofstuk 14 - Verbandakte
    Hoofstuk 15 - Algemeen

    Deel 2

    Deeltitel en Aktekantoorprosedure

    Hoofstuk 1 - Deeltitels
    Hoofstuk 2 - Aktekantoorprosedure

    Deel 3

    Aktepraktyk en Ander Toepaslike Wette

    Afdeling A - Die Groot Vyf
    Hoofstuk 1 - Belasting op Toegevoegde Waarde
    Hoofstuk 2 - Hereregte
    Hoofstuk 3 - Vervreemding van Grond
    Hoofstuk 4 - Huweliksgoedere
    Hoofstuk 5 - Intestate Erfopvolging


    Afdeling B - Die Vyf Groot Menere
    Hoofstuk 6 - Onderverdeling van Landbougrond
    Hoofstuk 7 - Gebruiklike huwelike
    Hoofstuk 8 - Siviele verbintenisse
    Hoofstuk 9 - Maatskappye
    Hoofstuk 10 - Insolvensie

    Afdeling C - Allerlei Kleiner Wette
    Hoofstuk 11 - Beheer oor Trustgoed
    Hoofstuk 12 - Finansiële Intelligensiesentrum
    Hoofstuk 13 - Verbruikersbeskerming
    Hoofstuk 14 - Nasionale Kredietwet
    Hoofstuk 15 - Immigrasie
    Hoofstuk 16 - Geboortes en Sterftes
    Hoofstuk 17 - Beslote Korporasie
    Hoofstuk 18 - Kapitaalwinsbelasting
    Hoofstuk 19 - Aandeleblokmaatskappy
    Hoofstuk 20 - Huurkontrakte van Grond
    Hoofstuk 21 - Skenkingsbelasting
     





    Hoofstuk 22 - Beperking op Fideicommissa
    Hoofstuk 23 - Afgetrede Persone
    Hoofstuk 24 - Tyddeel
    Hoofstuk 25 - Kinders
    Hoofstuk 26 - Boubeperkings langs Paaie
    Hoofstuk 27 - Eiendomsagente
    Hoofstuk 28 - Grondopmetingswet
    Hoofstuk 29 - Ruimtelike Beplanning en Grondgebruikbestuur
    Hoofstuk 30 - Gemeenskapskemasombud
    Hoofstuk 31 - Beskermingsmaatreëls

    Afdeling D - Wette vir mondeling
    Die volgende Wette word op ons webwerf beskikbaar gestel en behoort slegs bestudeer te word in die geval van ‘n mondelinge eksamen.

    Hoofstuk D-1 - Huurpag en Opgradering van Grond
    Hoofstuk D-3 - Herstel van Grondbesitregte
    Hoofstuk D-4 - Uitbreiding van Sekuriteit van Verblyfreg
    Hoofstuk D-5 - Landbouhoewes (slegs kandidate wat ‘n mondeling in die voormalige Transvaal kry)

    Deel 4

    Voorbeelde

    Deel 5

    Gevallestudies